Using Gmail as SMTP Server with Drupal PHPMailer Module

မြန်မာ ညီအကို မောင်နှမတွေကြားမှာ Drupal ကို စိတ်၀င်စားတဲ့သူတွေ ပိုများလာတာ တွေ့ရပါတယ်။ စမ်းသပ်နေတဲ့ သူတွေ အမျိုးမျိုး ရှိပါလိမ့်မယ်။ အဆင်ပြေရင် ပြေသလို Hosting တွေမှာ စမ်းတဲ့သူတွေရှိသလို အိမ်သုံး၊ ကျောင်းသုံးကွန်ပျူတာတွေနဲ့ Localhost မှာ စမ်းနေသူတွေလည်း ရှိမှာပါ။ ဒီဆောင်းပါးကတော့ ကိုယ်ပိုင် Hosting ဒါမှမဟုတ် Free Hosting တစ်ခုမှာ Drupal ကို စမ်းသုံးနေသူတွေ အနေနဲ့ အကြောင်းအမျိုးမျိုးကြောင့် Email မထွက်တာ၊ Email ပို့လို့ မရတာ ဖြစ်ခဲ့ရင် ဖြေရှင်းနိုင်တဲ့ နည်းလမ်းလေးကို ေ၀မျှပေးမှာ ဖြစ်ပါတယ်။

Requirements - Drupal Core, PHPMailer module, PHPMailer library for PHP5/6, SMTP Server

Email is Important for Websites

Website တစ်ခုအတွက် အီးမေးလ် အပြန်အလှန်ပေးပို့နိုင်ဖို့ အတော်အရေးကြီးပါတယ်။ System ကနေ Admin ဆီကို ပို့တဲ့ အီးမေးလ်၊ User အသစ်တစ်ယောက် Register လုပ်တဲ့အခါ အတည်ပြုတဲ့ အီးမေးလ်၊ Comment အသစ်တစ်ခု ၀င်လာတဲ့အခါ သတိပေးတဲ့ အီးမေးလ် စသည်ဖြင့် အီးမေးလ် အမျိုးမျိုး ပေးပို့နေရ တတ်ပါတယ်။ အဲဒါကြောင့် Website အသစ်တစ်ခုကို စပြီး Configure လုပ်တာနဲ့ Email အလုပ်လုပ်ဖို့ သေချာအောင် ပြင်ဆင်ရပါတယ်။ များသောအားဖြင့် Hosting အတော်များများမှာ အီးမေးလ်အတွက် ပြင်ဆင် ပေးထား ပြီးပါပြီ။ ကိုယ်က အသင့်သုံးဖို့ပဲ လိုပါတယ်။

Why Email Can't Send?

တခါတရံ အီးမေးလ်တွေ မထွက်ပါဘူး။ အီးမေးလ်မထွက်တာ Free Hosting ဖြစ်နေလို့ ဖြစ်နိုင်ပါတယ်။ တခါတလေ ပိုက်ဆံပေးထားရတဲ့ Hosting တွေမှာလည်း Configuration အဆင်မပြေရင် အီးမေးလ် မရတတ်ပါဘူး။ အကြောင်းအမျိုးမျိုးကြောင့် Hosting ရဲ့ အီးမေးလ်ကို သုံးလို့ မရတော့ဘူးဆိုရင် အစားထိုး အနေနဲ့ Gmail ကို သုံးလို့ ရပါတယ်။ လောလောဆယ်မှာ Drupal ကို စမ်းနေတဲ့ ညီလေးတစ်ယောက်က အီးမေးလ်ပြဿနာ ကြုံနေတဲ့အတွက် Drupal နဲ့ပဲ အရင်ပြောပြပါ့မယ်။ နောက်ထပ် ဆောင်းပါးတစ်ပုဒ်မှာတော့ WordPress နဲ့ Drupal မှာအသုံးပြုနေတဲ့ SMTP plugins, modules တွေအကြောင်း ဆွေးနွေးပါ့မယ်။ ဒီဆောင်းပါးမှာ ရှင်းရလွယ်စေဖို့ example.com ကို နမူနာအဖြစ် သုံးပါ့မယ်။

Installating PHPMailer module

Drupal မှာ SMTP နဲ့ PHPMailer Module ဆိုပြီး နှစ်ခုရှိပါတယ်။ ဒီဥပမာမှာတော့ PHPMailer ကို သုံးမှာပါ။

1. Drupal ရဲ့ PHPMailer module ကို ဒေါင်းလုတ်ချပါ။
2. ဒီ Module က PHPMailer library for PHP5/6 နဲ့ တွဲသုံးရမှာမို့
   PHPMailer library ကို ဒေါင်းလုတ်ချပါ။
3. Drupal ရဲ့ PHPMailer module ထဲက ReadMe ဖိုင်ထဲမှာ PHPMailer library ကို ဘယ်လို ထည့်ရမလဲဆိုတာ ပါပါတယ်။ သေချာ ဖတ်လိုက်ပါ။ ပုံမှာလည်း အသေးစိတ် နေရာပြထားပါတယ်။

   

4. အဲဒီ Module တွေအားလုံးကို FTP ကနေတစ်ဆင့် Drupal ကို Install လုပ်ထားတဲ့ Hosting က http://example.com/sites/all/modules/ အောက်မှာထားပါ။
5. ကိုယ့်ဆိုက်ရဲ့ http://example.com/admin/build/modules/list ကနေ Admin panel မှာရှိတဲ့ Module List ကို သွားပါ။
6. PHPMailer ကို အမှန်ခြစ်ပြီး Enable လုပ်ပါ။

   

7. example.com/admin/settings/phpmailer ကနေ PHPMailer ရဲ့ Configuration ကို သွားပါ။
8. Use PHPMailer to send e-mails Check box ကို အမှန်ခြစ်ပါ။
9. Gmail ကို သုံးမှာ ဖြစ်တဲ့အတွက် Primary SMTP server: မှာ smtp.gmail.com ကို ထည့်ပါ။
10. Gmail အတွက် SMTP port: မှာ 465 ကို ထည့်ပါ။
11. Gmail က SSL ကို သုံးတာ ဖြစ်တဲ့အတွက် Use secure protocol: မှာ SSL ကို ရွေးပါ။
12. SMTP Authentication အတွက် Username: မှာ ကိုယ်သုံးချင်တဲ့ Gmail လိပ်စာကို သုံးပါ။ Password မှာ အဲဒီ Gmail လိပ်စာနဲ့ သက်ဆိုင်တဲ့ Password ကို ထည့်ပါ။
13. လုပ်ထားတဲ့ Configuration တွေ မှန်မမှန် စစ်ဆေးဖို့အတွက် Test Configuration အောက်က Recipient: ထဲမှာ ကိုယ့်ရဲ့ အီးမေးလ် တစ်ခုထည့်ကြည့်ပြီး Save Configuration ကို နှိပ်ပါ။
14. စမ်းပို့တဲ့ အီးမေးလ် ကိုယ့်ဆီကို ရောက်လာပြီဆိုရင် Drupal PHPMailer module အလုပ်လုပ်ပါပြီ။

သတိထားရန် အချက်များ

1. PHPMailer module ဟာ Gmail အတွက်သာမကပါဘူး။ SMTP ဆာဗာတွေ အားလုံးအတွက် သုံးလို့ ရပါတယ်။ ကိုယ့်အနေနဲ့ သုံးချင်တဲ့ SMTP ဆာဗာနဲ့ဆိုင်တဲ့ အချက်အလက်တွေ ရှိနေဖို့ပဲ လိုအပ်ပါတယ်။
2. Gmail account တစ်ခုဟာ တစ်နေ့မှာ အီးမေးလ် လက်ခံသူ 500 (recipients) အထိပဲ ပို့ခွင့် ရှိပါတယ်။ Gmail ကို သုံးပြီး Spam မေးလ်တွေ ပို့တာမျိုးကနေ ကာကွယ်ဖို့နဲ့ အခြား အလွဲသုံးစားလုပ်တဲ့ ပြဿနာတွေကို ကာကွယ်ဖို့ အဲဒိလို ကန့်သတ်ထားတာလို့ ဆိုပါတယ်။

Reference
PHPMailer module - http://drupal.org/project/phpmailer
Gmail Sending Limits - http://mail.google.com/support/bin/answer.py?hl=en&answer=22839