Multitasking by Using New Windows Feature in Gmail

Gmail ကို အသုံးပြုနေချိန်တွင် Chatting ပြုလုပ်ခြင်း၊ အီးမေးလ် ရေးသားခြင်း၊ အီးမေးလ် ဖတ်ရှုခြင်း၊ အီးမေးလ် ဖတ်ရှုနေရင်း နောင်တွင် ပြန်သုံးရန်အတွက် သိမ်းဆည်းလိုလျှင်၊ အီးမေးလ်ကို အကြောင်းပြန်ခြင်း စသည့် အလုပ်များစွာကို သက်ဆိုင်ရာ ဝင်းဒိုးများစွာဖြင့် တစ်ခုစီဖွင့်ကာ တပြိုင်နက်တည်း ပြုလုပ်နိုင်သည်။

ထိုသို့ ဝင်းဒိုးအသစ်ဖြင့် ဖွင့်ပေးနိုင်သည့် နေရာများနှင့် အမှတ်အသားများကို အောက်ပါ သရုပ်ဖော်ပုံများတွင် လေ့လာနိုင်သည်။

1. Chat window ၏ ညာဘက် ထောင့်မှ အပေါ်သို့ ဘေးစောင်းထောင်တက်နေသည့် မြှားငယ်ကို နှိပ်ခြင်း။

   

2. အီးမေးလ် တစ်စောင် ရေးသားရန် ပြင်ဆင်ချိန်တွင် Shift ခလုတ်ကို နှိပ်ထားပြီး - Compose Mail, Reply, Reply All သို့မဟုတ် Forward links များကို နှိပ်ခြင်း။
   (Shortcut အသုံးပြုလိုပါက Shift ခလုတ်ကို နှိပ်ထားချိန်တွင် "C" "R" သို့မဟုတ် "F" ခလုတ်များကို တွဲနှိပ်ခြင်း။ C - Compose Mail, R - Reply, F - Forward)

   

3. အီးမေးလ်ဖတ်သည့်အခါ ဖတ်လိုသည့် အီးမေးလ်ကို နောက်ထပ် ဝင်းဒိုးတစ်ခုဖြင့် ဖတ်လိုပါက Shift ခလုတ်ကိုနှိပ်ထားပြီး၊ ဖတ်လိုသည့် စာကို Click လုပ်ပါ။ (Shortcut သုံးလိုပါက Shift + o သို့မဟုတ် Enter ခလုတ်တွဲများကို သုံးနိုင်သည်။)
4. အီးမေးလ်တစ်စောင်ကို ဖတ်နေရင်း နောင်တွင် ပြန်ဖတ်ရန်အတွက် နောက်ထပ်ဝင်းဒိုးတစ်ခုဖြင့် ဖွင့်ထားလိုသည့်အခါ အောက်တွင်ဖော်ပြထားသည့် ပုံပါအတိုင်း "New window" ကို နှိပ်နိုင်သည်။

   

ဤသို့ ဝင်းဒိုးအသစ်ဖြင့် ထွက်ပေါ်လာခြင်းကြောင့် မူလဖွင့်ထားသည့် ဝင်းဒိုးပိတ်သွားမည် မဟုတ်ဘဲ ပုံမှန်အတိုင်း ရှိနေမည် ဖြစ်သည်။ ထို့ကြောင့် အလုပ်လုပ်ရသည်မှာ ယခင်ကထက် ပိုမို အဆင်ပြေ လွယ်ကူလာသည်။ ကံမကောင်းစွာပင် ဤနည်းလမ်းများကို Microsoft မှထုတ်လုပ်သည့် အင်တာနက်ကြည့်ဆော့ဖ်ဝဲ (Internet Explorer) တွင် အသုံးပြုနိုင်မည် မဟုတ်ပေ။

ထို့ကြောင့် ကျွန်တော်တို့အနေဖြင့် ယခုကဲ့သို့  အင်တာနက်မှ ဆော့ဖ်ဝဲများနှင့် ဝန်ဆောင်မှုများ၏ နောက်ဆုံးပေါ် အဆင့်မြင့် အစိတ်အပိုင်းများကို အလွယ်တကူ အသုံးပြုလိုပါက Mozilla Firefox, Apple Safari သို့မဟုတ် Google Chrome စသည့် အဆင့်မြင့် အင်တာနက်ကြည့်ဆော့ဖ်ဝဲများကို သုံးရမည် ဖြစ်သည်။

REF - http://gmailblog.blogspot.com/2010/03/fast-new-windows.html

Image Credits
- http://www.cs.miami.edu/~tptp/Seminars/TPTPetc/TPTPInfrastructure.html
- http://www.iesucks.info/2009/04/browser-wars/