How To Optimize Our Web Sites With GZIP Compression - Part Three - Gzipping WordPress, Joomla & Drupal Sites

Search Drupal Tutorials, Resources, Tips and Solutions

Website တစ်ခုရဲ့ အမြန်နှုံးဟာ အဲဒီဆိုက်နဲ့ ပတ်သက်နေတဲ့ Webmaster, Website Owner နဲ့ Website Visitor များနဲ့ အများကြီး ဆက်စပ် သက်ဆိုင်နေပါတယ်။ အင်တာနက်ရဲ့ အရေးပါတဲ့ နည်းပညာတစ်ခုဖြစ်တဲ့ Web Performance Optimization မှာ အဓိကကျတဲ့ အချက်တစ်ခု ဖြစ်တဲ့ GZip Compression အကြောင်း အခြေခံသဘောတရားများနဲ့ Webmaster တစ်ယောက်အနေနဲ့ Server ကို Configuration လုပ်နိုင်တဲ့ နည်းလမ်းများ အကြောင်းကို လေ့လာခဲ့ကြပြီးပါပြီ။ အခုဆက်ပြီး WordPress, Joomla, Drupal တို့နဲ့ တည်ဆောက်ထားတဲ့ Webite တွေမှာ အလွယ်တကူ GZip ဘယ်လိုလုပ်ကြမလဲ ဆိုတာနဲ့ Caching ဘယ်လိုလုပ်ကြမလဲ ဆိုတာ လေ့လာကြည့်ကြရအောင်။

Checking PHP Setting

အခု သုံးမယ့်နည်းလမ်းတွေမှာ ကျွန်တော်တို့အနေနဲ့ HTACCESS ဖိုင်ကို ပြင်ဆင်ရတာမျိုး လုပ်မှာ မဟုတ်ပါဘူး။ php ကနေ GZip Compression လုပ်တဲ့ နည်းကို အသုံးပြုကြမှာပါ။ အဲဒီအတွက် ပထမဆုံး Web Server ရဲ့ PHP Setting ကို စစ်ဆေးကြည့်ဖို့ လိုအပ်ပါမယ်။ အလွယ်ဆုံးနည်းကတော့ အောက်မှာဖော်ပြထားတဲ့ PHP Code လေးကို Notepad ထဲမှာ ရေးပြီး ဖိုင်ကို info.php အဖြစ် သိမ်းပါ။ ပြီးတော့ Domain ရဲ့ www (သို့မဟုတ် public_html) folder ထဲကို FTP ကတစ်ဆင့် ထည့်သွင်းပါ။

<?php phpinfo( ); ?>

ပြီးတော့ http://www.yourdomain.com/info.php ကတစ်ဆင့် အဲဒီဖိုင်ကို ပြန်ခေါ်ကြည့်ပါ။

WordPress Site တွေအတွက် - WordPress phpinfo() plugin ဒါမှမဟုတ် WP-ServerInfo plugin ကို Install လုပ်ပြီး ကြည့်နိုင်ပါတယ်။ Joomla Site တွေမှာဆိုရင်တော့ Joomla ရဲ့ Backend ထဲက Help --> PHP Information ထဲကနေ Server ရဲ့ PHP Information ကို ကြည့်နိုင်ပါတယ်။ Drupal site တွေမှာဆိုရင်တော့ Site Admin အနေနဲ့ http://www.yourdomain.com/admin/reports/status/php ကတစ်ဆင့် အလွယ်တကူ ခေါ်ကြည့်လို့ ရပါတယ်။ ရလာတဲ့ PHP Info တွေထဲမှာ ZLib Support - enabled ဖြစ်မဖြစ် ကြည့်ပါ။ Enabled ဖြစ်နေခဲ့ရင် ရှေ့ဆက်လို့ ရပါပြီ။

 

Gzipping WordPress Sites

WordPress Engine ကို အသုံးပြုထားတဲ့ ၀က်ဘ်ဆိုက်တွေမှာ GZip Compression လုပ်နည်းတွေကို လေ့လာကြရအောင်။

W3 Total Cache

WordPress ဆိုက်တစ်ခုကို GZip (Caching, Minify စသည့် အခြား နည်းစနစ်များ အပါအ၀င်) လုပ်ဖို့အတွက် အကောင်းဆုံး နည်းလမ်းတစ်ခုကတော့ W3 Total Cache Plugin ကို အသုံးပြုခြင်းပါပဲ။ ဒီ Plugin ဟာ WordPress ဆိုက်တစ်ခုရဲ့ အမြန်နှုံးနဲ့ User များရဲ့ သုံးစွဲမှု အတွေ့အကြုံ (User Experience) ကို ပိုပြီး တိုးတက်ကောင်းမွန်စေဖို့ ဖန်တီးပေးနိုင်ပါတယ်။ လက်ရှိ အချိန်မှာ နာမည်ကြီး ၀က်ဘ်ဆိုက်တွေ ဖြစ်တဲ့ mashable.com, smashingmagazine.com, makeuseof.com, kiss925.com, pearsonified.com, lockergnome.com, tutsplus.com, johnchow.com, ilovetypography.com, webdesignerdepot.com, css-tricks.com နဲ့ yoast.com အပါအ၀င် WordPress ကို အသုံးပြုထားတဲ့ Website များစွာမှာ အသုံးပြုထားပါတယ်။ ဒီဆောင်းပါးရေးတဲ့ အချိန် (2010-08-29) မှာ User Ratings 507 ratings နဲ့ 116,586 Downloads ရရှိထားပါတယ်။ W3 Total Cache ရဲ့ Feature အပြည့်အစုံနဲ့ Configuration နည်းလမ်းတွေကို မူရင်း Plugin Site မှာ လေ့လာနိုင်ပါတယ်။

GZippy

ဒီ Plugin ကတော့ WordPress ဆိုက်တစ်ခုကို GZip သီးသန့်လုပ်ပေးတဲ့ Plugin ပါ။ Plugin ကို Install လုပ်ပြီး Enable လုပ်လိုက်တာနဲ့ WordPress site ကို GZip လုပ်ပြီးသား ဖြစ်ပါပြီ။ GZippy from WordPress

GZipping from functions.php

WordPress Plugin တွေကို တစ်ခါတရံမှာ functions.php ထဲမှာ ပြောင်းရေးလို့ ရပါတယ်။ တကယ်လို့ GZippy ကို Plugin အဖြစ် မသုံးချင်ဘူးဆိုရင်တော့ အောက်မှာ ဖော်ပြထားတဲ့ function လေးကို လက်ရှိ အသုံးပြုနေတဲ့ WordPress Theme ထဲက functions.php ဖိုင်ထဲမှာ သွားရေး ပေးရပါမယ်။ အခုလို functions.php မှာ ရေးမယ်ဆိုရင်တော့ GZippy plugin ကို သုံးဖို့ မလိုအပ်တော့ပါဘူး။ အဲဒီ Plugin ကို Install လုပ်ထားခဲ့ရင် ပြန်ဖြုတ်ပြီးမှ ရေးဖို့ လိုပါလိမ့်မယ်။

function gzippy() { ob_start('ob_gzhandler'); }
if(!stristr($_SERVER['REQUEST_URI'], 'tinymce') && !ini_get('zlib.output_compression')) {
add_action('init', 'gzippy');
}

(Plugin များနဲ့ functions.php တို့ကြားမှာ နှိုင်းယှဉ်စရာ အားနည်းချက် အားသာချက်တွေ အများကြီးရှိလို့ ဒီဆောင်းပါးမှာတော့ အသေးစိတ် မဆွေးနွေးတော့ပါဘူး။ Google မှာ ရှာကြည့်လို့ ရပါတယ်။)
ဒီလောက်ဆိုရင်တော့ WordPress ၀က်ဘ်ဆိုက်တစ်ခုကို GZip လုပ်နိုင်ဖို့ လိုအပ်ချက်လေးတွေ ပြည့်စုံပါပြီ။

 

GZipping Joomla Sites

GZip Compression ဟာ Joomla Engine မှာ Built in ပါပြီးသား ဖြစ်ပါတယ်။ ကျွန်တော်က Joomla ကို တစ်ကြိမ်မျှ မစမ်းကြည့်ဖူးသေးတဲ့ အတွက် ဒီနည်းကို လက်တွေ့ မစမ်းရသေးပါဘူး။ ဒါပေမယ့် Joomla.org ရဲ့ Forum ထဲမှာ ရေးသားဖော်ပြထားချက်များအရ GZip Compression ကို Admin Panel ထဲက

Global Configuration > Server > Server Settings > GZIP Page Compression

မှာ ပြုလုပ်ပေးရပါမယ်။
တကယ်လို့ Cache Setting ကိုလည်း ပြင်ဆင်ချင်တယ်ဆိုရင်တော့

Global Configuration > System > Cache Settings > Cache

မှာ သတ်မှတ်ပေးရပါလိမ့်မယ်။
(Source - How to Gzip Joomla? from Joomla.org Forum)

 

Drupal Built in GZip Compression

GZipping Drupal Sites

Drupal Engine မှာ Built in GZip Compression စနစ် ပါပြီးသားပါ။ Drupal ကို သုံးထားတဲ့ ၀က်ဘ်ဆိုက်များ အနေနဲ့ GZip လုပ်ဖို့အတွက် Site Administrator အနေနဲ့ http://www.yourdomain.com/admin/settings/performance မှာ Page compression: ကို Enable လုပ်ပေးရပါမယ်။

Drupal Engine မှာ Performance ကောင်းစေဖို့အတွက် Built in Caching Sytem လည်းပါပြီးသား ဖြစ်ပါတယ်။ အဲဒီအတွက်ကြောင့် Drupal Site တစ်ခုကို Login မ၀င်ဘဲ ဒီအတိုင်းကြည့်နေတဲ့ Visitor တစ်ယောက် အတွက် Site Administrator က သတ်မှတ်ထားတဲ့ Cache Setting အတိုင်း ဆိုက်ကို မြင်နေရမှာ ဖြစ်ပါတယ်။ Drupal Site တစ်ခုရဲ့ Block တွေနဲ့ Views Module ရဲ့ Setting တွေမှာ Cache ကို 6 ရက်အထိ အများဆုံး Caching လုပ်ခိုင်းထားလို့ ရပါတယ်။ Drupal Site တစ်ခုရဲ့ Cache Setting ကိုလည်း GZip လုပ်တဲ့ နေရာမှာပဲ သတ်မှတ်ပေးရတာ ဖြစ်ပါတယ်။ စိတ်ကြိုက် ပြင်ဆင်ပြီးတဲ့ အခါမှာ Save Configuration ကို နှိပ်ပေးရပါမယ်။ အပေါ်ပုံမှာ နမူနာအဖြစ် ကြည့်နိုင်ပါတယ်။

Performance is Important for All

Website တစ်ခုရဲ့ အမြန်နှုံးဟာ အဲဒီဆိုက်နဲ့ ပတ်သက်နေတဲ့ Webmaster, Website Owner နဲ့ Website Visitor များနဲ့ အများကြီး ဆက်စပ် သက်ဆိုင်နေပါတယ်။ အခြေခံအကျဆုံး သဘောတရားကတော့ “မြန်လေကောင်းလေ” လို့ ပြောနိုင်မယ် ထင်ပါတယ်။ ကန့်သတ်ချက်များစွာ ကြုံတွေ့ရနိုင်တဲ့ Web Development Process တစ်ခုမှာ Performance Optimization ဟာ Webmaster တစ်ယောက်အတွက်တော့ စိန်ခေါ်မှု တစ်ရပ်ပါ။ အခု ရေးသားဆွေးနွေးခဲ့တဲ့ အကြောင်းအရာများဟာ Web Development Process များမှာ နည်းလမ်းအမျိုးမျိုး အကြောင်း အမျိုးမျိုးနဲ့ သက်ဆိုင်နေရတဲ့ မြန်မာ ညီအကို မောင်နှမ မိတ်ဆွေ သူငယ်ချင်းများ အနေနဲ့ တစ်နည်းတစ်ဖုံ အထောက်အကူ ရလိမ့်မယ်လို့ မျှော်လင့်ပါတယ်။

လူတိုင်းမှာ ပြီးပြည့်စုံတယ်ဆိုတာ မရှိတဲ့ အတွက် ဒီရေးသားချက်များမှာ အမှားအယွင်းပါရှိခဲ့ရင် အမှန်သိရှိသူများက ပြင်ဆင် တည့်မတ်ပေးသွားဖို့ ဖိတ်ခေါ်ပါတယ်။

Reference & More Information

Finding Server Info from WordPress Codex
WP-ServerInfo Plugin from WordPress.org
Joomla PHP Info from Joomla.org

Add new comment

Similar Articles

Featured Articles

JDownloader - Free and Opensource alternative to Internet Download Manager

ကျွန်တော်တို့ ဆီမှာ အကြောင်းအမျိုးမျိုးကြောင့် သူများဆော့ဖ်ဝဲတွေကို မသိအောင် ခိုးသုံးနေခဲ့ရတာ အတော်ကြာခဲ့ပါပြီ။ အဲဒီထဲမှာ အသုံးအများဆုံး တစ်ခုကတော့ အင်တာနက် ဒေါင်းလုတ် မန်နေဂျာ ဆော့ဖ်ဝဲပါ။ ဒီဆောင်းပါးမှာတော့ အဲဒီဆော့ဖ်ဝဲအစား အခမဲ့ရယူ အသုံးပြုနိုင်ပြီး ပိုမို အစွမ်းထက်တဲ့ ဒေါင်းလုတ် မန်နေဂျာ ဆော့ဖ်ဝဲတစ်ခုနဲ့ မိတ်ဆက်ပေးချင်ပါတယ်။

အချိန်ကောင်း အခါကောင်း အခြေအနေကောင်း - အတားအဆီးများကို ဖော်ထုတ်ခြင်း (၇)

ကျွန်တော်တို့ အတွက် ကောင်းတာတစ်ခုခု လုပ်ဖို့ စဉ်းစားကြတဲ့အခါမှာ − အချိန်ကောင်းဆိုတာ ဘယ်အချိန်လဲ။ ကိုယ့်အတွက် ကိုယ်လုပ်ချင်တဲ့ အလုပ်တစ်ခုကို အောင်မြင်ဖို့အတွက် လိုအပ်တဲ့ အခြေအနေကို ဘယ်လို ဖန်တီးကြမလဲ။

လူတွေကို ကူညီတဲ့ အလုပ်ဟာ တစ်ကယ်ကို ပျင်းရိငြီးငွေ့ စရာကောင်းပြီး သင့်အတွက် လုံးဝ အကျိုးမရှိဘူးလို့ ထင်နေသလား။ တစ်ကယ် အရေးကြီးတယ် ဒါမှ မဟုတ် နောင်မှာ အရေးကြီးလာနိုင်တဲ့ အလုပ်တစ်ခုခုကို လုပ်လိုက်ဖို့ စိတ်အားထက်သန်မှု လိုအပ်နေလား။ လုပ်စရာ အလုပ်တွေ ရှိနေပေမယ့် သိပ်ပြီး ငြီးငွေ့နေတတ်တာမျိုး ခံစားနေရပြီလား...

ကျွန်တော်တို့ လုပ်ချင်တဲ့ အလုပ်၊ မဖြစ်မနေ လုပ်ကို လုပ်ရတော့မယ် အလုပ်တွေအတွက် လိုအပ်တဲ့ အခြေအနေကောင်းတွေနဲ့ စိတ်အားထက်သန်မှုတွေကို ဘယ်လို ရအောင် ဖန်တီးမလဲ၊ စိတ်ပါလက်ပါနဲ့ အောင်မြင်အောင် ဘယ်လို လုပ်ကြမလဲ..

အသုံးဝင်တဲ့ Views Hacks Module

Drupal ရဲ့ Views module ဟာ Drupal site တိုင်းအတွက် အလွန်အသုံးဝင်တယ်ဆိုတာ အားလုံး သိပြီးသားပါ။ Drupal stie တိုင်းမှာ မပါရင် မပြီးတဲ့ module တစ်ခုဖြစ်လို့ နောင်ထွက်လာမယ့် Drupal 8 မှာ တစ်ခါတည်း ပေါင်းထည့်ဖို့ ပြင်ဆင်နေကြပါပြီ။ Views ကို ဒီအတိုင်း သုံးတာထက်စာရင် Views plugin module လေးတွေနဲ့ တွဲသုံးတာက ပိုထိရောက်ပါတယ်။ ပိုပြီးတော့ အစွမ်းထက်လာပါတယ်။ ဉပမာ − Slideshow တွေ လုပ်ချင်တယ်ဆိုရင် Views slideshow ကို ထပ်ပေါင်းထည့်ပြီး လိုချင်တဲ့ Slideshow တွေ ဖန်တီးတာမျိုး

December Songs Collections (Burmese Version)

December music video collection for all my friends, December Birthday Boys and Birthday Girls. Have a Sweet December to you all... :)

နိုင်ငံပိုင် စီးပွားရေး၊ အစိုးရဝန်ထမ်း နဲ့ အခွန်ထမ်း ပြည်သူ

နိုင်ငံပိုင် စီးပွားရေး လုပ်ငန်းနဲ့ ဝန်ဆောင်မှုလုပ်ငန်းတွေဟာ နိုင်ငံသားတွေ ထမ်းဆောင်တဲ့ အခွန်တွေကရတဲ့ ငွေတွေနဲ့ တည်ထောင်ထားတာ ဖြစ်တဲ့ အတွက် အမြတ်အစွန်းရရှိဖို့ထက် ပြည်သူလူထု သက်သာ အဆင်ပြေဖို့ကို အဓိက ဦးစားပေးသင့်ပါတယ်။ နိုင်ငံတော်ကို အခွန်မှန်မှန် ပေးဆောင်နေတဲ့ အခွန်ထမ်း ပြည်သူတစ်ယောက် အနေနဲ့ နိုင်ငံပိုင် လုပ်ငန်းတစ်ခု အချိုးမပြေတာ၊ နိုင်ငံ့ဝန်ထမ်းတစ်ယောက် ပုံမလာတာကို အပြုသဘောနဲ့ ထောက်ပြခြင်းဟာ မှန်ကန်တဲ့ လုပ်ရပ်တစ်ခုပါ။

ဒါဟာ နိုင်ငံတည်ဆောက်ရေးမှာ သူတတ်နိုင်တဲ့ ဘက်က ပါဝင်တာ ဖြစ်ပါတယ်။ ဒါဟာ နိုင်ငံသားကောင်း တစ်ယောက်ရဲ့ မွေးရာပါ တာဝန်နဲ့ တိုင်းပြည်နဲ့ လူမျိုးကို တစ်ကယ်ချစ်တဲ့သူတိုင်း လိုက်နာကျင့်သုံးရမယ့်... စာနဲ့ ရေးမထားတဲ့ ဒီမိုကရေစီ နိုင်ငံတစ်ခုရဲ့ မွေးရာပါ နိုင်ငံသား အခွင့်အရေးပါပဲ...

Tags: