Drag and drop attachments onto messages in our Gmail with Firefox and Google Chrome

Gmail နှင့်အတူ ဖိုင်များ ပူးတွဲပေးပို့ (Attachment) သည့်အခါ Mozilla Firefox 3.6 နှင့် Google Chrome အသုံးပြုသူများ ဖြစ်ပါက၊ ယခင်သုံးနေကျ  "Attach a file" နည်းလမ်းအပြင်၊ ဖိဆွဲပြီး လွှတ်ချ (Drag and Drop) သည့် အမြန်နည်းလမ်းကို သုံးနိုင်ပြီ ဖြစ်သည်။

အောက်ပါ ရှင်းလင်းချက်များ၊ နမူနာ သရုပ်ဖော်ပုံများနှင့် ဗီဒီယိုကို ကြည့်ပါ။
Firefox 3.6 သို့မဟုတ် Google Chrome ကိုသုံးပြီး Gmail သို့ Sign In ပါ။

1. ပေးပို့လိုသည့် ဖိုင်များရှိသော Folder ကိုဖွင့်ထားပါ။ ပုံ (၁)
2. ဖိုင်များကို ရွေးပါ။ တစ်ခုထက် ပိုများပါက Ctrl+Click ဖြင့် ရွေးပါ။
3. (Firefox သို့ Google Chrome ဖြင့်) ဖွင့်ထားသည့် Gmail အတွင်းသို့ ဖိုင်များကို Mouse ဖြင့် ဆွဲထည့် (Drag) ပါ။
4. Gmail window အတွင်း Drop Files Here, To add them as attachments ဟု ပေါ်လာမည်။ ပုံ (၂)
   ထိုနေရာတွင် Mouse ကို လက်လွှတ် (Drop) လိုက်ပါ။
5. Gmail က သင်လွှတ်ချလိုက်သည့် ဖိုင်များကို ဆွဲယူနေသည်ကို စတင်မြင်တွေ့ရမည်။ အားလုံးပြီးသွားပါက ကျွန်တော်တို့ ပေးပို့လိုသည့် ဖိုင်များကို ပေးပို့ရန် အဆင်သင့် ဖြစ်နေသည်ကို မြင်တွေ့ရမည်။ ပုံ (၃)
6. မှတ်ချက် - တခြားနေရာများတွင် Drop လုပ်ပါက နေရာလွဲသွားသည့်အတွက် မည်သည့်လှုပ်ရှားမှုကိုမျှ မြင်ရမည် မဟုတ်ပါ။
7. ကျန်ရှိနေသည့် အခြားသော အင်တာနက်ကြည့် ဆော့ဖ်ဝဲများတွင် လောလောဆယ် မရသေးပါ။ သို့သော် ထိုဆော့ဖ်ဝဲများကို ထုတ်လုပ်သူများဘက်မှ အဆင်သင့်ဖန်တီးပေးသည်နှင့် ဤနည်းလမ်းကို သုံးနိုင်မည် ဖြစ်ကြောင်း Gmail Team က ပြောကြားထားသည်။
   
   ပုံ (၁) - ပေးပို့လိုသည့် ဖိုင်များနှင့် Gmail ကို ဖွင့်ထားစဉ်
   
   ပုံ (၂) - ပေးပို့မည့် ဖိုင်များကို ဆွဲယူ လွှတ်ချ (Drag & Drop) နေစဉ်

   
   ပုံ (၃) - ယခုအခါ Gmail မှ ကျွန်တော်တို့ ပေးပို့လိုသည့် ဖိုင်များကို ပေးပို့ရန် အဆင်သင့် ဖြစ်နေပြီ ဖြစ်သည်။

   ပိုမိုရှင်းလင်းစွာ မြင်တွေ့လိုပါက အောက်ပါ ဗီဒီယိုတွင် လေ့လာကြည့်ပါ။

Resources and more information -

1. Download latest version of Mozilla Firefox
2. Download latest version of Google Chrome
3. Click Gmail Tips & Tricks to know more about Gmail and other Tips and Tricks from mmshare.org

Reference -  Drag and drop attachments onto messages